Jammu-ah internet service titawp leh

Jammu region-a district pangaah nimin khan Low-speed (2G) mobile Internet service chu tihtawp lailawk leh a ni a, hei hi thu dik lo thehdarh tur venna atana tih a ni.

Police official-te chuan thuneituten service provider-te hnena thupek an tihchhuah angin internet service hi tihtawp a ni tih an sawi a, thu dik lo thehdarh tur venna atan leh boruak muanawm a awm theihna tura ti an nih thu a sawi bawk.

Zirtawpni leh Inrinni khan 2G service hi Jammu, Samba, Kathua, Udhampur leh Reasi-ahte chuan pekchhuah leh tawh a ni a, mahse  social media lamah video leh message dik lo thehdarh hlauhthawn thilah nimin khan an titawp leh a ni.

August 4 khan Jammu and Kashmir-ah hian internet service tihtawp a ni a, state chhung hmun hrang hrangah curfew puan zui a ni bawk. Mahse tunah chuan khuahkhirhna hi zawi zawiin an thlahdul hret hret ṭan a ni.