Top official-te lakah mission Kashmir zep?

NDA sorkarin Jammu and Kashmir state ṭhiah a tum chungchang hi top official-te lakah pawh zepin, ministry pawimawh ṭhenkhat pawhin an hre lawk lo nia sawi a ni. 

Prime minister Narenda Modi kaihhruai sorkar chuan Article 370 nuaibo ngei tumin, Lok Sabha inthlanpui neih dawna BJP manifesto-ah pawh telh ni mah se, ruahmanna an siam dan erawh chu sorkar-a senior member-te pawhin an hre lo. 

NDA sorkar hmasa tawp dawn lam khan senoir member-te chuan Article 370 ṭhiah chungchang hi an sawiho ngei a, a term hnihna atana lakluh an nih hnuah PM Modi chuan Amit Shah chu home minister-ah dahin, an hmabak an chhui zui leh nghal a ni. He hna pawimawh hi PM hian national security advisor AK Doval kutah dahin, home secretary Rajeev Gauba leh J&K chief secretary BVR Subramayan-te pawh thawhpui atan a thlang chhuak a ni. 

Amit Shah-a kaihhruaina hnuaiah, an group hian Army chief General Bipin Rawat leh paramilitary force hotute chu thawhpuiin, Pakistan firfiakten pawikhawihna thlen an tum tih chhuanlama hmangin sipai sing tel chu thawn luh hmasak an ni bawk.