Kashmir vangin Pakistan Parliament inkhawm ko

Sorkar laipuiin Jammu and Kashmir tana special status pekna, Article 370 titawp a, J&K state a ṭhiahsak chu Pakistan lamin na takin an sawisel a, hemi vang hian nimin khan Pakistan Parliament inkhawm pawh koh a nih phah bawk. 

Nimin zing khan Pakistan prime minister Imran Khan chuan Parliament joint sitting-ah thu a sawi. Pakistan sipai hotu pawhin nimin vek khan Rawalpindi-ah top commander-te hmuin, hun eng emaw chen kal ta aṭanga India-in Jammu and Kashmir neitu nihna inpek tuma a hmalakna chu Pakistan chuan a pawm ngai loh thu a sawi. 

Pakistan army chief General Qamar Javed Bajwa chuan Kashmir mipuiten an dikna chanvo humhalh tuma an beihna chu Pakistan army chuan a tawp thlengin a thlawp dawn a ni, a ti.