Rahul-a'n chaw ngheia nawrh huaihawtte tlawh

Congress hruaitu Rahul Gandhi chuan nimin khan Sulthan Bathery khuaa Freedom park bula chaw ngheia nawrh huaihawt mi pangate a tlawh.

Nawrh an huaihawt chhan hi Sulthan Bathery khua national highway-a zan dar 9 aṭanga zing dar 6 thleng lirthei tlan phal loh a nih vang a ni a, ni 10 chhung atan nawrh hi an huaihawt a ni. Sulthar Bathery hi Rahul Gandhi bial, Wayanad bial chhunga mi a ni. 

National highway hian Karnataka khaw bul a awm Bandipur Tiger Reserve a tantlang vang a ni a. Lirtheiin nungchate a chil hlum hlauh thawn thil avangin zana lirthei tlan hi khap a ni. Rahul chuan nawrh huaihawtte chu hmuin, danlam hremite hnenah a thlen tawh thu a sawi a, dan hremite hian engtia hmalak tur nge tih chu min hrilh hre vat dawn a ni tiin a ṭawng thlamuan.  

Loneitute leh zirlai tam takte chuan zana lirthei tlan phal loh a nih hi dodalin, an duh lohna lantirin kawng an zawh bawk. Kerala sorkar chuan helai hmuna tiger reserve-a motor tlan theihna tur lei siam turin sorkar laipui chu thurawn a pe.