
Defence Minister Rajnath Singh-a'n Japan tlawh
Defence minister Rajnath Singh chuan ni hnih chamin Japan a tlawh a, Nilaini khan thlengin Japan defense minister Shinjiro Koizumi nen Yokosuka-a Japan Maritime Self-Defense Force (JMSDF) naval base an tlawh. Mogami-class multi-mission frigate JS Natori pawh tlawhin nimin, Ningani khan Tokyo-a India-Japan Foreign and Defence Ministers' Dialogue (2+2) ah a tel bawk.
Singh hi Japan a thlenin Koizumi hian a lo hmuak a, Guard of Honour hlan niin, minister pahnihte hian inbiakna an nei nghal a ni. Naval base leh Mogami-class frigate a tlawhna chuan ram pahnihte tuipui lama an thawh dunna tihchak hun remchang a siamsak dawn a; remna leh muanna, ngelnghehna leh Indo-Pacific biala venhimna tihchakna tur a ni bawk tiin Singh chuan a sawi.
Minister hian Tokyo-a India Embassy buatsaih event-ah India mite nen hun an hmang ho bawk a ni. Singh chuan India economy inthlak danglam dante tarlangin, khawvela buaina hrang hrang a chhuah karah pawh economy-a ram ṭhang nasa ber pawl a nih thu a sawi. Defence sector-a India hmasawn dante pawh tarlangin, Singh chuan ramchhunga defence lam kaihhnawih siam chhuahin Rs vbc nuai 1.80 chuang a pelh thu leh, kum 10 liam ta khan Rs vbc 48,000 a nih thu a sawi. Defence export pawh Rs vbc 600-ah a pung tih a sawi bawk.