India ram thlai thar chhuah ton nuai 3,869 tlin beisei

India rama kum 2025-26 thlai thar kum (July-June) chhunga huan thlai thar chhuah chuan record thar siamin ton nuai 3,869.15 tling tura chhut a ni tih hi nimina Third Advances Estimates tihchhuahah tarlan a ni. Thlai chinna hmun zau zawng tlahniam chung pawhin kum 2024-25 aiin thlai thar chhuah hi 4.36% in a pung a ni.

Union agriculture and farmers' welfare minister, Shivraj Singh Chouhan chuan estimates hi tlangzarhin, kum 2025-26 chhunga huan thlai chinna ram zau zawng hi hectare nuai 297.21 a nih laiin, kum 2024-25 ah chuan hectare nuai 301.36 a tling. A kum hmasa lam aiin thlai chinna hmun zim zawk mah se thei, thlai , pangpar, aromatic leh medicinal plant thar chhuah chu a pung nasa hle thung.

Thei thar chhuah ton nuai 1.230.66 vel ni tura chhut niin, kum hmasa lam aia a punna hi ton nuai 54.18, 34.60% a tling a ni. Kumina balhla, theihai, thingfanghma, apple, pomegranate leh lamkhuang te an thar ṭha a, hei hian thlai thar chhuah punna a tisang zual a ni. Thlai thar chhuah pawh kum hmasa aiin 4.35% in a pung a, ton nuai 2,272. 68 thar chhuak tura chhut a ni bawk.