Prince William leh Kate Middleton-te India-ah rawn zin dawn

Britain lal fapa, Prince William leh a nupui, Kate Middleton-te chu Mumbai-a 2026 Earthshot Prize ceremony hmang turin an rawn zin dawn. Kum 2024-a Kate-in cancer a vei thu a puan hnuah, tun ṭum hi an nupaa ram pawn lama an zin chhuahna hmasa ber tur a ni.

Kensington Palace chuan November 14 khan Prince leh Princes of Wales hi environmental awards ceremony hmang tura Mumbai-a an zin tur thu sawiin, India ramah ni thum an cham chhungin programme dang hrang hrang pawh an nei nghal dawn tih a tarlang. Kate hi kum 2022 hnua Earthshot Prize neihnaa a inlan lehna hmasa ber tur a ni bawk. Prince leh Princess of Wales te hian kum 2016 khan India an rawn tlawh tawh a, hemi ṭum hian Bhutan-ah pawh an kal a ni.

Earthshot Prize hi Prince Wiliam-a'n kum 2021-a a din niin, khawvel huapa environment award hlu tak a ni. Leilung tana ṭhil ṭha lo leh khawvel sik leh sa inthlak danglam nasa lutuk siamṭhatna tura thawk chhuak ṭhin leh, a siam ṭhat dan hmu chhuakte hnena chawimawina hlan ṭhin a ni. Award hi panga siam niin, USD mtd 1.3 ṭheuh pek an ni ṭhin. Kuminah hian award dawng tura nomination hi ram 169 aṭangin 7,000 chuang a lut a ni.

Award ceremony hi November 17 ah neih a ni dawn a, Kensington Palace chuan a pui ber ṭum tur a ni tih sawiin, mi 5,000 vel an tel dawn tih an tarlang.