
India leh Canada FTA kum tawp ruala peihfel tum
India leh Canada sumdawn tawnna lama thawh dunna tur, Free Trade Agreement (FTA) chu kumin kum tawp ruala zawhfel an tum thu Ministry of Commerce chuan a tarlang. Hemi chungchangah hian ram pahnihte hian November 11 - 20 chhung atana inbiakna an kalpui mek a, tunah hian inbiakna kawng thum chu zawh fel a ni tawh a ni.
Ministry of Commerce-a additional secretary, Darpan Jain chuan inbiakna chu thupui 16 hmanga neih niin chak taka hma an sawn mek thu a sawi. Policy area 16-a inbiakna neih mek zingah hian market access on goods, services, trade remedies, TSD, SPS, IPR, investment, TBT, customs and trade facilitation te a tel.
India leh Canada hian kumin March-a Canada prime minister Mark Carney-a'n India a rawn tlawh ṭum khan Comprehensive Economic Partnership Agreement (CEPA) chungchanga inbiakna an thar thawh leh a ni.Hei hi kum 2022-a tlangzarh ṭan tawh kha ni mah se, vawi kua inbiakna neih a nih hnuah kum 2023 khan tihtawp lailawk a ni. Commerce and industry minister Piyush Goyal leh Canada international trade minister, Maninder Sidhu-te kaihhruaiin ram aiawhte chu Ningani khan CEPA chungchang sawi hian an inkawm leh a ni.
Ram pahnihte insumdawn tawnna hi FY26 chhungin USD tld 7.95 tling phakin Canada aṭang hian USD tld 3.28 hu India chuan bungrua a chaw lut a ni. India-in US market-a bungraw hralh theihna samkhai zawk a awm theih nan 'goods preferential market access' neih an remtih thu Pitush Goyal chuan nimin Pathianni khan a tarlang bawk.