Kargil leh Shankoo-ah shutdown puang

Ladakh Union Territory-a Kargil khawpui leh tun hnaia district siam thar, Sankoo district-ah nimin khan shutdown puan a ni a, zan lamah 'Save Democracy' tih hminga kawngzawh bati/meichher kengin kawngzawh huaihawt a ni bawk.

Shutdown puan hi chawpchillh taka Hill Councils pariat siamṭhat leh, Ladakh thuneituten December thlaa council inthlan buatsaih an tum duh lohna lantirna atana tih a ni. December thla hian khua a vawh em avangin UT-a cheng mi 20-30% vel chu hmun dangah an zin chhuak ṭhin a, hetih hunlaia inthlan lo buatsaih hi an duh lo a ni.

Kargil Democratic Alliance (KDA) co-chairman Sajjad Kargili chuan shutdown hi political party, sakhaw pawl, sumdawng leh transporter-ten an puang tih sawiin, democracy dihmun chhe zel duh lohna lantirna atana an tih a ni, a ti. "Kan ram hi min laksak an tum a ni. Thuneitute chuan mipui duhdan ni lo tih hre reng chungin hriattirna an tichhuak zel a ni," tiin a sawi. Delimitation kalpui a ni leh, hill council-a seat tihtlem chu Ladakh pumpuia mipuiten an duh loh tih a tarlang.