Rahul-a'n PM debate-a a chona Amit Shah-a'n chhang

Congress party hruaitu Rahul Gandhi-an ramdang aṭanga puihna avanga thuneihna chang thei nia sawi a, hemi chungchanga open debate nei tura prime minister Narendra a chona chu union home minister, Amit Shah chuan a chhang. Shah chuan Gandhi chu debate a duh tak tak a nih chuan khawlaiah ni loin Parliament-ah kal turin a cho let.

Amit Shah chuan Haryana, Karnal-a kawngzawha thu a sawinaah,"Rahul Gandhi chu tlang takin ka cho duh a, PM Modi chu discussion neih puiah i cho maw? I cho tak zet a nih chuan PM Modi hnenah hian lehkha thawnin dil ang che. Keini chuan engtik lai pawhin kan hmachhawn ngam che a, SIR chungchangah pawh Parliament-a Special session neih hmangin discussion neih kan ngam. Parliament-ah debate turin i lo kal dawn nia" a ti a ni.

Shah chuan Congress-in chief election commissioner Gyanesh Kumar ban phuta an beihna chhang bawkin, kum 2014, 2019, leh 2024-ah Lok Sabha inthlanpui neihah khan SIR kalpui a ni lo chung pawhin an party chuan hnehna an chang thei chuang lo, tiin a bei zui.