Jaishankar leh AustrianFM Meinl-Reisinger in kawm

External affairs minister Dr. S. Jaishankar leh India tlawha rawn zin, Austria foreign minister Meinle-Reisinger chu ram pahnih ten sumdawnna, investment, infrastructure, technology leh education huanga thuk zawka thawh dunna an neih dan tur chungchang sawiin Nilaini khan an in kawm.

Jaishnakar chuan Reisigner nen an inkawm thu hi social media lamah post siamin, inbiakna thuk leh hlawk tak an neih thute, huang hrang hranga ram hnih thawh dunna chungchangte an sawi dun thu a tarlang. Thawh dunna an neih sa bakah huang zauhna tur - startup, space, skilling leh mobility lam thlengin an sawi dun tih a tarlang bawk.

Hruaitute hian ram pahnihte inkar bakah khawvel hmasawnnain a nghawng chungchangte an sawi bawk a ni. India leh Austria thawh dunna hian hma a sawn chho hle a, kumin thlenga ram pahnihte insumdawn tawnna hlut zawng hi USD tld 2.93 tlingin India hian Austria USD tld 1.52 hu bungrau thawn chhuakin Austria aṭangin USD tld 1.41 a chaw lut a ni.