Nepal-in India hnenah kawlphetha USD mtd 39 hu thawn chhuak

Nepal ram chuan tuilian rapthlak tak an tawrh hnuah,September thla laihawl leh October thla laihawl inkarah India hnenah kawlphetha USD mtd 39 man hu an thawn chhuak leh tawh niin Nepal media-te chuan an tarlang. Nepal Electricity Authority(NEA) executive director Dirghayu Kumar Shrestha chuan kawlphetha thawn chhuah chuan tuilen hma angin ngai a awh chho ṭan niin a tarlang.

India leh Nepal-in ramri kana kawlphetha in thawn tawnna tur hian inremna siam a nih thu a nih thu Shrestha chuan a tarlang a, Zirtawpni liam ta aṭang khan Nepal chuan India-a transmission network kaltlangin Bangladesh pawh kawlphetha megawatts 40 a thawn chhuak leh tawh bawk. Nepal hian tuilian an tawrh avangin kawlphetha thawn chhuah hi hun eng awm chen a chawlhsan hman a ni.

Tuilianin chhiatna rapthlak tak a thlen vang hian Nepal chuan United Nations' Loss and Damage Fund aṭangin puihna, USD mtd 21.6 a dawng a, UN Climate Fund dawng thei ram hmasa ber a ni bawk. Tuilian vang khan kawng, chenna in, lirthei, hydropower plant leh inkalpawhna lei eng emaw zat a chhiat bakah mi 1,400 thiin chin hriat loh mi 5,000 chuang an awm bawk.