Parliament-in ram inkar buaina a chingfel thei: Om Birla

Lok Sabha speaker Om Birla chuan nimin Thawhṭanni khan New Delhi-a 12th BRICS Parliamentary Forum ṭhutkhawm hawn naa thu a sawiah, Parliament chu ram inkara buaina leh harsatna awmte chu chingfel theitu a nih thu a sawi. Birla chuan ramri buaina, indona, economy ngelngheh lohna, sumdawn tawnnaa harsatna, firfiaka chetna leh sik leh sa inthlak danglamte chu ramriah a tawp mai loh thu a sawi.

Birla chuan khawvel nghawng pha harsatnate thleng ṭhin hrang hrangte chu inbiakna kaltlangte, diplomacy ṭha leh thawh hona ṭhate hmanga hmachhawn a pawimawh thu sawiin, hengte a hlawhtlin theihna inhriatthiam tawnna neihna turin Parliament chuan hmun pawimawh tak a chang a ni, a ti.

Ni hnih awh tur summit hi Samvidhna Sadan, Old Parliament building-ah forum kum 20 tlin lawmna pual hian hman a ni a, BRICS hnuaia tel ram aiawh eng emaw zat an tel a ni.