ED-in Mizoram leh Manipur-a bank account 1,400 chuang a hrek sak

Ramchhunga sum chevel endiktu sang, Enforcement Directorate chuan tualchhung dan leh thupek kengkawhtute nena thawk dunin, Mizoram leh Manipur-a India-Myanmar ramri aṭanga ruihhlo tawlh rukna kaihhnawihah mi paruk an man tawh thu leh bank account 1400 chuang an hrek sak a, bungrua Rs vbc 26 hu an hreng bawk tih nimin khan a tarlang.

Beihpui thlak hi Zirtawpni liam ta khan kalpui niin Mizoramah Aizawl, Champhai, leh Lawngtlaiahte dapchhuah beihpui thlak a ni a, Manipur lamah Churachandpur-ah kalpui a ni bawk. Beihpui thlakna hi money laundering case pathum - heroin, brown sugar leh methamphetamine tablet Myanmar aṭanga tawlh rukna kaihhnawiha kalpui a nih thu central agency hian an sawi.

Narcotics Control Bureau (NCB) leh Mizoram police thawh dunna hmangin Mizoram leh Manipur aṭang hian bank account 1,424 chu Prevention of Money Laundering Act (PMLA) hnuaiah hren an nih thu ED chuan an tarlang. Hei bakah hian state pahnih aṭang hian rinhlelh mi pathum ve ve man an ni bawk.

Heroin leh brown sugar bakah methamphetamine hi Zokhawthar ramri aṭanga chawk luh ṭhin an ni. Methamphetamine tablet hi Mizoram leh Manipur lama hralh a nih bakah Assam leh ram chhung hmun dangah leh Bangladesh-ahte thawn leh ṭhin a ni tih agency chuang an tarlang.