PM Modi-a'n December-ah Canada tlawh dawn

Prime minister Narendra Modi chuan kumin December 11 leh 12 hian Canada a tlawh dawn tih Ottawa-a India High commission chuan X-ah a tarlang. Tun hnaia Modi leh Canada prime minister Mark Carney-te inbiaknaah khan trade, technology, security leh mipui leh mipui inkara thawh dunna ṭha siam an duh thu hi an lo sawi dun tawh a ni.

PM Modi hian Canada hi a tlawh thei a nih chua kum 2015 hnua a tlawh lehna hmasaber a ni dawn a ni. Modi hian December 13 - 15 chhunga US-a G20 summit neih turah hun a hmang dawn bawk a, chumi hnu December 16 leh 17 khian Brussel tlawhin, a cham chhung hian EU Free Trade Agreement pawh ziah fel nghal tum a ni bawk.

September khan Canada High Commissioner Christopher Cooter chuan The Hindu-in a kawmnaah India-Canada trade deal chu kumin kum tawp hma ngeia peihfel hman tum a nih thu a sawi. Ram pahnihte hian December-a PM Modi zin hunah thawh dunna zau zawk siam tumin ruahmanna an neih thu a sawi lang bawk a ni.