India-in International Fishing Agreement zawm

India chuan Southern Indian Ocean Fisheries Agreement (SIOFA) chu ramchhunga sangha mana eizawngte tana hlawkna leh hamṭhatna ṭha zawk thlentu a nih beiseiin a zawm thar. SIOFA hi international fishing agreement niin, tuipui huam chhunga ei leh bar zawnna mumal siamna tura hmalakna a ni a, hemi hmang hian India mi sangha mana eizawngte tan hlawkna thlen thei tura beisei a ni.

India hi kum 2022 aṭang khan SIOFA nena thawk dunin, Cooperating Non-Contracting Party (CNCP) an ni. Hei hi Indian Ocean chhim lama sangha manna kaihhnawih hrang hrang mumal leh changtlung zawka kalpuina tura thawh hona pawl a ni. India Ocean-ah hian Regional Fisheries Management Organizations (RFMOs) pahnih awmin pakhat chu SIOFA hi a ni a, pakhat zawk hi Indian Ocean Tuna Commission (IOTC) tih a ni bawk.

SIOFA hnuaia India a tel hnu hian India sangha manna lawngte chuan squids, toothfish, alfonsion leh sangha dang pem kual lo chite man theihna phalna an nei tawh dawn a ni. India chu he pawl hnuaia tel ve dangte nen thawh hona zau leh ṭha zawk neiin, pawl inrelbawlnaa ṭul hrang hrangah tlang zawkin hma a la thei dawn a ni.

Tunah hian India sangha manna lawngte hian Exclusive Economic Zone (EEZ) an tihah nautical mile 60-80 thleng an thunun a, an sanghaa man theih zat tihpunna tur hian ramdangte enkawl EEZ huamchhungahte sangha man theihna turin an huang zauh a ngai a, hei hi ram economy tihpunna atan pawh thil pawimawh a ni bawk.