Kolkata-ah US kum 250 tlin lawmna hmang

US kum 250 tlin lawmna chu Kolkata-a ITC Royal Bengal-ah neih niin, US ambassador Sergio Gor leh West Bengal finance minister Dr. Swapan Dasgupta ten an hman pui. Kolkata-a US consul general Kathy Giles-Diaz chuan hruaitu pahnihte hi lo dawng sawngin, he hun hmanah hian India hmarlam leh hmarchhak biala pawl hrang hrang hruaitu bakah, sumdawng, diplomat leh official eng emaw zat an tel.

Sergio Gor chuan US leh India inlaichinna ṭhang zel leh hemiin rah duhawm a chhuah thute a tarlang. Ram pahnihte thawh dunna chuan hma lam hun eng tak a siam a, ram mipuite tan hun him leh ṭha bakah hmasawnna tam tak an siam mek tih a sawi.

Kolkata-a U.S. consul general Kathy Giles-Diaz pawhin US mahni kea a din cham vawi 250-na Kolkata-a lawm a ni thei chu thil duhawm tak a nih thu sawiin,an hun hman chu India leh US inkara thawh dunna thuk tak ṭhangzel lantirtu a nih thu a sawi lang bawk.