UP-a Jewar airport hming PM Modi hming chawiin thlak

Utter Pradesh-a Jewar hmuna Noida International Airport hming chu prime minister hming chawiin, Narendra Modi International Airport tia thlak a nih thu chief minister Yogi Adityanath chuan nimin khan a puang.

CM Adityanath chuan state cabinet meeting-ah airport hming thlakna tur hi lungrual taka pawm a nih thu thuthar lakhawmtute a kawmnaah a sawi. Hei hi prime minister Narendra Modi-a'n Noida International Airport a pek avanga an lawmthu sawina, an thilpek let ve theih a nih thu a sawi. He airport hi an state-a airport lian ber tur leh, ram pum huap ang pawha ṭum hmun pawimawh tak tura duan a nih thu a sawi bawk.

PM Modi chuan kumin March 28 khan airport hi a lo hawng tawh a, June 15 khan a hmasa ber turin Lucknow aṭanga thlawk, IndiGo thlawhtheihna a lo ṭum tawh bawk a ni. Airport siam hna hi Yamuna International Airport Private Limited chuan thawkin, Rs vbc 11,282 senga siam a ni. Thlawhtheihna lian pawh ṭum thei turin runway pawh meter 3,900 a thuia siam a ni.