Jaishankar leh Cote d'Ivoire hruaituin thawh dunna tur sawi dun

Africa khawmualpui ram pathum tlawh tura zin mek, external affairs minister Dr. S Jaishnakar chuan Nilaini khan Cote d'Ivoire tlawhin, Ivoire foreign affairs and international cooperation minister, Niale Kaba nen ram pahnihte thawh dun dan tur an sawi dun. An inkawmnaan hian sumdawnna, infrastructure, agriculture leh healthcare lam an thlur bing deuh bik a ni.

Jaishankar hian Ghana a ṭangin Cote d'Ivoire hi panin ram pathum tlawh tura a ram tlawh pahnihna a ni a, Ethiopia chu a tawp khar nan a hmang ang. Cote d’Ivoire vice prime minister leh defence minister, Téné Birahima Ouattara nen pawh an inkawm bawk a, thawh dunna tur hrang hrang bakah ram pahnih mipuite inpawh tawnna turte an sawi dun. Thawh dunna tur ruahman hi Cote d'Ivoire mipuite dah pawimawh zawnga kalpui tum a nih thu EAM hian social media kaltlangin a tarlang.