India leh Ghana-in MoU pahnih an ziak

Ghana tlawha zin mek external affairs minister Dr. S. Jaishankar leh Ghana foreign minister Sam Okudzeto Ablakwa-te telpuina hnuaiah ram pahnihte chuan scientific research, academics, capacity building, agricultural research leh education-a an thawh dunna tur inremna, Memorandum of Understanding (MoU) pahnih an ziak.

Hruaitu pahnihte hian India-in African union leh Economic Community of West African State (ECOWAS) te nena thuk zawka thawh dunna neih theih dante an sawi dun bawk. Jaishankar hi Africa khawmualpui ram pathum tlawh tura zin niin Cote d'Ivoire leh Ethiopia-te a tlawh leh dawn a ni.

Jaishankar hi Ghana president John Dramani Mahama nen pawh inkawmin sumdawnna, investment, hmasawnna, damdawi lam, defence, technology, leh mipui inpawh tawnna neih dan tur chungchangte an sawi dun bawk.

MoU hi academic leh scientific research lamah Zoological Survey of India leh University of Ghana chuan an ziak a, Indian Council of Agriculture Research leh CSIR-Corps Research Institute, Ghana chuan Agriculture research leh education huang thawh dunna turin an ziak bawk a ni.

Kum 2025 July thla khan prime minister Narendra Modi chuan Ghana ram hi a lo tlawh tawh a, kum 30 chuang chhungin India prime minister zingah Ghana tlawh hmasa ber a ni.