PM Modi leh Switzerland President Guy Parmelin inkawm

India leh Switzerland chuan sumdawnna, technology leh investment huanga tha thara thawh dunna thuk zawk neihna turin inkawmna ṭha tak an nei. Ram pahnih thawh dunna thuk zawk siam tur hian prime minister Narendra Modi leh Switzerland president Guy Parmelin te chu Hyderabad House, New Delhi-ah inkawmin inremsiamna tur pawimawh tak tak an sawi dun.

Swiss president Parmelin hi ni thum cham turin a rawn zin a, nimin khan Rashtrapati Bhavan tualah ropui taka lo lawm a nih hnuin Mahatma Gandhi hriatrengna pualin Rajghat-ah pangpar a hlan bawk. Hemi hnu hian PM Modi nen inbiakna an nei a ni.

Inbiakna neih zawhah Modi chuan, "Switzerland hi India tan Europe lama thawhpui pawimawh berte zinga mi a ni. Ram pahnih inkar thawh dunna hian thil thar siam chhuahna innovation lam, sumdawnna leh zirna lamah hmasawnna sang zawk kan thleng zel a ni," a ti.

Critical technology, AI, pharmaceuticals, renewable energy, leh skill professional-ahte indawr tawn zel dan tur te an sawi dun bawk. External affairs minister S. Jaishankar pawhin president Parmelin hi a kawm bawk a, president Droupadi Murmu chuan nizan khan zanriah a eipui a ni.