India leh Myanmar-in inbiakna nei dawn

India leh Myanmar chuan defence huanga thawh dunna neihdan tur chungchangah inbiakna, India-Myanmar Defence Cooperation Meeting chu October 7, 2026 khian Guwahati-ah an nei dawn.

Meeting-ah hian hmarchhak biala ramri venhimna leh venghimtu lam harsatna hrang hrangte chinfel a nih theih nan awmze nei zawka bawhzuina turin bul ṭan a ni ang. Meeting hi India defence secretary Rajesh Kumar Singh leh Myanmar defence lam hotu sangte chuan an ho dawn a ni.

Ram pahnihte inrina, km 1,643 a thui, dan loa ralthuam leh ruihhlo tawlh luhna atana hmang ṭangkaitu tualchhung hel pawl hrang hrangte venna atana ruahman a ni. Heng lai ramri dep hmunte hi hel pawlte tawmhimna hmun pawimawh atana hman ṭhin nia ngaih a ni. Meeting-ah hian heng harsatna hrang hrangte hi an chingfel thei ngei tura beisei a ni bawk.

Venhimna lama ram pahnihte thawh dun rawtna hi nikum September thla khan Naypyitaw hmunah a ṭum hnihna atan sawi ho a lo ni tawh bawk. Hemi ṭuma meeting hi defence secretary Rajesh Kumar Singh leh Myanmar Chief of Armed Forces (Training) Major General Kyaw Ko Htike te chuan an ho a ni.