CEC hnenah Bharat Ratna hlan zawk rawh u: CM Omar

Jammu and Kashmir Chief Minister Omar Abdullah chuan Thawhlehni khan BJP-te'n Chief Election Commissioner (CEC) Gyanesh Kumar hnena Padma Bhushan chawimawina hlan rawtna awm chungchangah elsen taka ṭawngchhuakin, West Bengal chu BJP-te kutah a hlan tawh bawk. Padma Bhushan aia sang Bharat Ratna chawimawina hlan zawk rawhse, tiin elsen takin chawimawina hlan tumna chungchang a sawi chhuak.

Srinagar-a Buyer-Seller Meet kaltlanga thuthar theh darhtute zawhna chhangin, Omar Abdullah chuan, "Padma Bhushan maw? Tinge hei chauh hlan an tum? Bharat Ratna pe ngei rawh u! President inthlan kum hnih chauh a bak tawh a, President dinhmun pawh pe nghal ula a ṭha ang" tiin a ṭawng elhsen a ni. CEC chuan BJP-te tana a thil tihsak hi a nasa hle a, West Bengal thlengin a hlan tawh nia sawiin, Padma Bhushan chauh hlan tum chu CEC tana hlawhchhamna leh epna lian tak nia a hriat thu a sawi tel bawk.

Election Commission of India (ECI) pawhin mahni inenfiahna a neih ngei a ngai tih CM hian a tarlang a. Tun ṭuma poll panel chhung a buaina leh lungrual lohna awm hi political party hrang hrangte phuahchawp mai a nih loh thu leh chanchinbu lian zawk ten dinhmun dik tawk lo an tihchhuah vang a nih loh thute sawiin, hetiang thil awm hi ECI tana pawi thei a nih thu a tarlang.