India leh China inlaichinna a ṭha chho zel: Jaishankar

India leh China inlaichinna chu kum hnih khat kalta nena khaikhin chuan a ṭha chho zawk hle tawh tih union external affairs minister S. Jaishankar chuan a sawi. "Kum 2024 leh 2025-a kan dinhmun nena khaikhin chuan tunah hian kan inlaichinna a tha tawh zawk hle a ni," a ti.

United Nations General Assembly (UNGA) high-level week zawha Asia Society, New York-a inkhawm buatsaihah EAM S. Jaishankar chuan thu sawiin, ram pahnihte ramria buainaa inremna neih a nih hnuah ram hnih inlaichinna pawh a pangngai leh ṭan mek nia a hriat thu a tarlang.

Kum 2020-a ramri, Line of Actual Control-a buaina chhuakah ram pahnih inlaichinna hi a chiat phah hle a, sumdawnna chhunzawm mah se official intlawh tawnna, visa pek chhuah leh thlawhtheihna service-te thlengin a nghawng a ni.Ramria buaina awm chu ram pahnih tana thil ṭha a nih loh thu sawiin 'ramria remna leh muanna a awm loh chuan inlaichinna pawh a pangngai thei lo' tiin Jaishankar chuan a sawifiah.