SC-in CEC Kumar laka rinhlelhna thlen kar lehah ngaihtuah tum

India rama inthlan kaihhnawih thuneitu sang, Election Commission of India (ECI) hotu lu Chief Election Commissioner (CEC) Gyanesh Kumar-an commission aiawha thutlukna ama thua siam ṭhin nia hriat a nih hnuah, thil dik lo thleng chungchanga ennawn tura ngenna theh luh chu Supreme Court chuan karlehah ngaihtuah chhunzawm a nih tur thu a sawi.

Lehkha thehluttu Senior Advocate Vikas Singh chuan court hmaah Commission thutlukna hi commission pumpui thutlukna anga lak a nih chungchangah, hotu ber chauhin a duh ang angin thil a tingawt thei lo tih a tarlang. Election Commission hian hna an thawh dan, Special Intensive Revision (SIR) chungchang thlengin Commission pumpui thutlukna a nih loh chuan dan hmaah rinhlelhna a pian theih thu a tarlang bawk.

Chief Justice Surya Kant kaihhruai Justice Joymalya Bagchi leh Justice V. Mohana te awmna bench hmaah he thil hi thlen zui a nih hnuin karlehah he case hi a taka ngaihtuah ho an tum thu hriattir a ni.