Russia hrekna tur dan siam hnuah Foreign Secreatary-in US aiawhte kawm

US-in Russia hrekna tur dan 'Sanctions Act' thar a pass chungchanga India ram chungah leh energy security thil vanga lungawi lohna a chhuah mek karah, foreign secretary Vikram Misri chuan U.S. House Foreign Affairs Committee chairman Brian Mast hoa America palai rawn zinte Inrinni khan New Delhi-ah a kawm.

US sorkar dan thar Stop Russia’s Aggression Act (SRIA) hian Russia aṭanga crude oil leh ralthuam leitu ramte tan hremna hrang hrang a huam tel a ni.

Foreign Secretary leh U.S. aiawh-te hian ram pahnih inlaichinna 'bilateral relations', Indo-Pacific region chhunga thil thleng leh energy security bakah bilateral trade te an sawi ho.

External Affairs Ministry (MEA) tarlan danin, Foreign Secretary hian India rama energy mamawh hnianghnar takaa awm zui zel theih nan leh ram venhimna dinhmun chi hrang hrang laka India duhdan chu U.S. Congress representative-te hnenah hian a hrilhfiah. A bikin civil nuclear cooperation, critical minerals leh supply chain chungchangah ram pahnihte hian thawh hona ṭha zawk neih chhoh zel an tum. Thuneitute chuan he inkawmna hian harsatna leh lungawi lohna hmachhawn dunna hun ṭha tak a siamsak tih an tarlang.