CEC a ban loh chuan CJP-in ram pumah nawrh huaihawt tum

Election Commission of India (ECI) thiltih dan sawiselna, ram puma electoral roll ennawnna, Special Intensive Revision (SIR) kalpuina tura commission chhungah inlungrual lohna a awm tih sawi chhuah a nih hnuah Chief Election Commissioner (CEC) Gyanesh Kumar sawiselna thawm a ring chho zel. Eptu party hrang hrangten CEC hi sawisela bang tura an phut hnuah, Cockroach Janta Party (CJP) pawhin bang turin an phut ve leh. CJP founder Abhijeet Dipke chuan vawiinah CEC hian banna a theh lut lo a nih chuan, October 2 aṭangin ram pum huap nawrh huaihawt a ni dawn tih a sawi.