Tarang Shakti-26 nun chan zirnaah rampawn Air Force 7 tel dawn

Indian Air Force (IAF) ten an buatsaih ṭhin, ram hrang hrang Air force-te nena nunchan zirhona lian tak 'Tarang Shakti-26' chu Rajasthan-a Air Force Station Jodhpur-ah buatsaih a ni leh dawn. Nunchan zirhona turah hian India bakah ram 7 aṭangin Air Force-in an rawn tel pui dawn.

Heng ram hrang hrang 7 - US, France, Germany, Australia, Bangladesh, Sri Lanka leh UAE te hian an thlawhtheihna hrang hrang an rawn tir lut dawn a, hei hi September 26 aṭanga October 12, 2026 thleng khian nunchan zirhona an nei ang. India lamin helai hmunah hian an thlawhtheihna hmingthang tak tak Rafale, Tejas, Su-30MKI, Jaguar leh Mirage-2000 te an thawhchhuahpui dawn bawk.

Air Staff Vice Chief, Air Marshal Ashutosh Dixit-a chuan, tualchhung leh khawvel huapa raldo dan thar leh harsatna lo thleng te hmachhawn zel dan zirhona hi a pawimawh takzet tih sawiin, kum 2024 a nunchan zirhona neih hmasakber zawh hnuah khan, ram hrang hrang Air Force-te nen thawh hona ṭha leh hlawhtling neih a nih thu sawiin; kumin pawh hian ṭhianṭha ram 62-ah sawmna an thawn chhuak a ni.

A hmasa ber atan US Stealth Fighter Jet F-35 te pawh he nunchan zirhonaah hian an rawn inlan dawn a, hei hian ram hrang hrang sipaite inkarah thawhona leh inrintawkna thuk tak a siam belh ngei beisei a ni bawk.