CDSCO-in Pakistan cosmetic hriatchian loh lakah fimkhur turin chah

Central Drugs Standard Control Organisation (CDSCO) chuan India rama phalna nei loa hralh leh zawrh mek, Pakistan siam vun tihno leh tihngona hnawih chi, 'whitening cream' hrang hrang lakah mipuite fimkhur zual tura hriattirna a tichhuak.

CDSCO thuchhuah chuan Pakistan siam 'Goree Beauty Cream' leh 'Chandni Whitening Cream' te chu India ram chhungah phalna nei loa hralh a ni tih tarlan a ni. Heng hmaihnawihte hian mihring hriselna atana hlauhawm leh thil pawi thei, heavy metals te a tichhuak tam hle a, hmangtute vun leh taksa hriselna lamah harsatna lian tak a thlen thei niin an sawi.

Drug regulator chuan heng hmaihnawih phalna nei lote hi lei lo tur leh hmang lo turin mipui a chah a, lo lei tawhte pawh a rang lama hmang zui tawh lo turin a hriattir bawk. Dawrkai leh mimal heng cosmetic zuartu, semtu leh fakna siamtute pawh heng thilte hi hralh leh tidarh lo turin a hriattir nghal a ni.

Thuchhuah siamah hian India ram chhunga cosmetic siam leh hralh chhuah tur reng reng chuan State Licensing Authority hnuaiah phalna lak a ngai a, ram pawn aṭanga lak luh a nih pawhin Central Licensing Authority hnuaiah ziahluh 'register' thlap a ngai a ni tih a tarlang bawk.