Jaishankar-a’n Bhutan tlawh, ram pahnih inlaichinna tihnghet a ni ang

External affairs minister S. Jaishankar chuan September 16 leh 17 chhunga official visit nei turin Bhutan a tlawh a, a cham chhung hian ram pahnih inlaichinna leh thawh dunna tinghet zual turin Bhutan Foreign Minister nen inbiakna an nei ang.

Jaishankar hi Bhutan foreign affairs and external trade minister, Lyonpo D.N. Dhungyel-a sawmna anga zin a ni. MEA thuchhuah chuan Jaishankar hi Bhutan Lalin a lo dawnsawn dawn bakah, Bhutan prime minister pawh a kawm dawn bawk a ni.

India leh Bhutan-te hi kum 77 zet inṭhian tha tak niin thawh hona leh inzawmna thuk tak an lo nei tawh ṭhin a ni. India Foreign Ministry chuan he zinna hi ram pahnih hotu lu berte tihdan phunga intlawh tawnna an neih ṭhin chhunzawmna a nih thu an sawi. Hei hian ram pahnihte inkar in laichinna, ṭhianṭhatna leh thawh hona a tinghet zual zel dawn, tiin a tarlang.

Jaishankar hian Bhutan foreign minister Dhungyel nen inbiakna neiin, ram pahnih rawngbawlna inzawm leh tualchhung thawhhona zau zawk nei tura ruahmanna hrang hrang neihte an sawi dun dawn a ni. Ram pahnih inkar venhimna leh sumdawnna chungchang thlengin sawi hona neih a ni ang.