Modi leh Merz-te’n thawh dunna tur inremna thar siam

Prime Minister Narendra Modi leh German Chancellor Friedrich Merz-te chu Ningani khan telephone-a inbiain, India leh Germany ram inlaichinna leh thawh dun zui zel dan tur, ram hnih inzawmna Strategic Partnership tihchak zel dan tur te an sawi dun.

Prime Minister Office tarlan danin, ram hruaitute hian tualchhung leh khawvel huap thil thleng hrang hrangte an sawi dun a; khawvel inpumkhatna, nghet tak leh hmasawnna tura thawhdun zui zel an remti bawk.

India leh Germany hian an inlaichinna 'diplomatic relations' kum 75 an lawm chho mek a ni. Ram hruaitu pahnihte hian Strategic Partnership hmasawnna te thlir kirin, hmalam hun thui tak nghawng thei tura inremna leh thawh dunna thuk zawk an neih zel dawn thu an sawi.

PM Modi chuan 'X'-ah thuchhuah siamin, Chancellor Merz nen inbiakna ṭha leh hlawk tak an nei tih a sawi. Sumdawnna leh investment, defence, clean energy, advanced technologies, leh talent mobility & education bakah thil dang hrang hrangah thawhho zel an tum thu a tarlang.

Modi chuan Germany hi Europe rama India thlunzawm ram pawimawh tak a nih thu leh khawvel pum muanna leh hmasawnna 'global peace & prosperity' thlen tirna tur atana thawhpui pawimawh tak a nih thu a sawi lang bawk. Ram pahnih mipuite tana ṭangkai leh hmasawnna thlentu tur strategic partnership hi an chhunzawm zel dawn a ni.