Assembly constituency 5 leh MP seat 1-ah by-election nei dawn

Election Commission of India (ECI) chuan state pali-a Assembly constituency panga leh Lok Sabha constituency pakhatah by-election neih a nih tur thu a puang a, vote thlak hun atan October 6, 2026 a ruat.

Bypoll neihna turte hi Tamil Nadu-a Madurantakam (SC) leh Dharapuram (SC), Puducherry-a Thattanchavady, West Bengal-a Rejinagar leh Nandigram constituency-te an ni a; Assam-a Nagaon Lok Sabha seat-ah pawh inthlanna hi neih a ni ang. Heng seat-te hi a a chelhtu MLA leh MP-te an ban vanga ruak an ni.

ECI tarlan danin, Gazette notification hi vawiinah chhuah a ni ang a, nomination paper file tawp ni chu September 16 a ni ang. September 17-ah nomination lutte hi endik a ni ang a, inhnukdawk duhte tana September 19 thleng hun hawn a ni ang. October 6-ah vote thlakin, October 9-ah vote tla chhiarin result puan a ni ang. Inthlan thil zawng zawng hi October 11, 2026-ah zawh hman tura ruahman a ni.

ECI chuan by-election-ah hian Electronic Voting Machine (EVM) leh Voter Verifiable Paper Audit Trail (VVPAT) hman vek a ni dawn tih a tichiang tawh a. Model Code of Conduct (MCC) pawh inthlan neihna tur district-ah te hman ṭan a ni nghal bawk. Candidate zinga case nei laite chu tualchhung chanchinbu leh TV-ah an chanchin hi vawi thum aia tlem lo tarlang ngei turin a ti bawk.