India leh France Inzawmnain hmasawnna bung thar kai: PM Modi

Prime minister Narendra Modi chuan India leh France inlaichinna leh thawh dunna chuan 'sang zawk leh nghet zawk' a thleng mek nia sawiin, ram pahnih inzawmna hi kawng hrang hrangah a hma aia nghetin a ṭhang zel a ni, a ti. Paris-a BAPS Swaminarayan Temple hawnna puala video conferencing hmanga thuchhuah a siamnaah he thu hi a sawi a ni.

PM Modi chuan France president Emmanuel Macron nen ṭang dunin ram pahnihte hian 'Special Global Strategic Partnership' an din mek thu a sawi. Defence, Space, Technology, Artificial Intelligence (AI) leh Climate Action chungchangahte thawh ho a nih bakah, kumin 2026 hi 'India-France Year of Innovation' atan a puang a i. An thawh dunna hi lungphum nghet tak chunga din a nih angin hnam nunphung leh politics inremna, hun rei tak ata tawh thawh dunna an neihna tilangtu a nih thu a sawi.

Paris-a temple thar hawn chungchang chu sawiin, PM chuan he temple hi "Made in India, Built in France" a nih thu a sawi. Temple sakna tur lung tam zawk chu India rama ker leh buatsaih a nih hnuah France-a modern engineering hmanga sak a ni. He temple hian ram pahnihte sakhua, ziarang leh thawh hona kawngah kum tam tak chhung thawh dunna ṭha a thlen ngei a rin thu a sawi a ni.