Goa-ah Amit Shah-an Western Zonal Council meeting a kaihruai

Union home minister Amit Shah chuan Thawhṭanni khan Panaji, Goa-ah Western Zonal Council meeting vawi 28-na a kaihruai. He meeting-ah hian state inkar thawh hona, cooperative governance, leh state hrang hrangte tana hmasawnna tura rawtna siam chungchangte zau taka inrawnkhawmna leh sawi hona neih a ni.

Meeting-ah hian Goa chief minister Pramod Sawant, Maharashtra chief minister Devendra Fadnavis, Gujarat chief minister Bhupendra Patel leh Dadra and Nagar Haveli leh Daman and Diu Administrator Praful Patel te pawh an tel. Inter-State Council Secretariat leh state delegation-te pawhin inremna leh thawh hona ṭha zawk a awm theih nana thil zir chhuah leh hmasawnna pawimawh hrang hrang an tarlang bawk.

Western Zonal Council hi States Reorganisation Act, 1956 hnuaia council panga (5) din zinga mi a ni. Union Home Minister hi chairman a ni ṭhin a, vice-chairman hna hi member state chief minister-ten kum tin inthlak kualin an chelh bawk a ni. Standing Committee-in state rawtnate an lo sawi ho hmasak hnua chinfel loh awmte chu he Council-ah hian uluk takin rel leh ṭhin a ni.

Minister Shah hian Goa-a ministry hotute chu ruihhlo do chungchangah meeting pawimawh tak a neihpui nghal vawk. Viksit Bharat hnuaiah kum 2029 thlenga India ram puma ruihhlo laka fihlimna turin sorkar laipui chuan hmachhawp, roadmap pawimawh tak a lo duang tawh tih a puang nghal bawk.