Ukraine nena indona tihtawp a nih theih nan PM Modi-an Putin a nawr

Prime minister Narendra Modi leh Russian president Vladimir Putin-te chu Shanghai Cooperation Organisation (SCO) summit neih mek karlakah an inkawm a, Russia-Ukraine indona chhunzawm zel a nih ṭhin chu tawpsan tawha, remna leh muanna zawn a hun tawh thu PM Modi-an a sawi.

Hruaitu pahnihte inkawmnaah hian PM Modi chuan, "Indona avang hian nitin mihringte nunna leh hmasawnna a hnungtawlh a, remna lam pan hi mihringte tana beiseina thar a ni. Indona tawp nei lo hi indona tihtawpnaah kan chantir tur a ni a, ralthuam nena inbei loin inbiakna hmangin buaina zawng zawng chinfel tur a ni," tiin Russia president Putin hi a hrilh.

PM Modi chuan mahni ram chhehvela ralthuam nena inbeihna hian khawvel tana rah ṭha chhuah a neih ngai loh thu sawiin, India ram chu Mahatma Gandhi leh Lord Buddha te ram a nih angin remna leh muanna duhtu a nih reng thu a tarlang a. Russia leh Ukraine inkar buaina pawh inbiakna tha tak hmanga tihtawp a nih nan India chuan thlawp tura a inpeih reng thu a sawi lang bawk.

Russian president Vladimir Putin pawhin hruaitu pahnih te thawh dunna leh inlaichinna a tha zawnga a ṭhang chho zel chu lawmawm a tih thu a sawi. Putin chuan Russia rama zirna kawng zawng leh lehkha zir tura kal India zirlai zat chu tam takin a pung tih sawiin, zirlai 40,000 zet an awm tawh thu a tarlang. Hei bakah hian sumdawng, tourism leh ram pahnih multilateral cooperation lamah pawh hmasawnna lian tak an hmuh chhoh mek thu a sawi.

He inhmuhkhawmah hian ram pahnih hruaitute hian sumdawnna leh khawvel huap inbiakna hrang hrang – UN, BRICS, G20 leh SCO te hmanga thawhho zui zel dan tur an sawi dun a. Thla thar a India rama BRICS Summit neih tur chungchang thlengin an sawi a, hemi hnu hian Nomad Games hmunah an pahnih hian an feh chhuak dun bawk a ni.

Prime Minister Narendra Modi leh Vladimir Putin te hian a hma pawhin New Delhi-ah inkawmna leh ram pahnih inlaichinna tihchak zui zel dan an lo zirchiang tawh bawk.