PM Modi-a'n Uzbekistan leh Kyrgyzstan tlawh dawn

Prime minister Narendra Modi chuan ni li chhung cham turin Uzbekistan leh Kyrgyzstan ramte tlawhin a zin dawn. He intlawhna hi India leh Central Asia ramte thawh hona tihchak leh Shanghai Cooperation Organisation (SCO) summit Biskhek-a neih tur hmang tura zinna ni pah fawmin a tlawh dawn a ni.

PM Modi hian Tashkent, Uzbekistan hi a tlawh hmasa dawn a Inrinni leh Pathianni a cham ang a, president Shavkat Mirziyoyev nen thawhho zel dan tur te, sumdawnna, venhimna leh energy huanga pangngai zawka thawh hona chungchangte an sawi dun dawn bawk.

Uzbekistan aṭang hian Kyrgyzstan khawpui Bishkek a pan leh ang a, hetah hian SCO Summit-ah thusawina hun a nei ang. SCO hi kum 25 tlinna champha a ni a, India pawh kum 2017 aṭang khan member puitling a ni tawh a ni. Summit-ah hian China president Xi Jinping leh Russian president Vladimir Putin-te pawh an tel tura beisei a ni.

PM Modi hian SCO summit hmang tura kal ram hruaitu hrang hrangte nen summit neih karlakah inbiakna a neihpui bawk ang. Ministry of External Affairs chuan, Russian president Vladimir Putin-a nen pawh inbiakna an nei dun ngei dawn niin a tarlang.