UK-in G7 summit-a tel turin PM Modi sawm

United Kingdom chuan kumin June thla Cornwall region-a G7 summit neih turah prime minister Narendra Modi chu tel ve turin a sawm. 

G7 ram - UK, Canada, France, Germany, Italy, Japan , US leh Europrean Union hian summit neih turah hian khawvela hripui leng mek, climate change leh insumdawn tawnna chungchangte an sawiho dawn a ni. India bakah summit chhim tur hian Australia leh South Korea pawh sawm an ni bawk. 

UK prime minister Boris Johnson chuan kumina January 26-a Republic Day lawmna tura khuallian tura tihfel tawh a ni a, mahse an rama coronavirus hri chi dang hmuh a nih avang leh, hri kai an pun chhoh chak tak em avangin India ram a rawn zin tum hi a ṭhulh a ni. Mahse sorkar thuchhuah chuan G7 summit hmain Boris Johnson hian India ram rawn tlawh ngei a tum niin a sawi.