SC-in Jojari lui kam metre 100 huam chhungah in sak khap

Supreme Court chuan Rajasthan-a Jojari luipui leh a chhehvel hmun pawimawh humhalh a nih theih nan lui kam aṭanga metre 100 huam chhungah hmasawnna hnathawh leh insak lam kaihhnawih eng chi pawh a khap tih nimin khan a puang.

Justice Vikram Nath leh justice Sandeep Mehta-te ṭhutna bench chuan Thawhṭanni khan thuchhuah siamin, luipui tui lian leh ecosystem vawnhimna zone-te kimchang taka zir chiangin, ruahmanna siam a nih hma loh chuan metre 100 bial chhungah hian in sak a thiang lo tih an tarlang. Hemi bakah lui leh a chhehvel tichhe thei zawnga bawlhhlawh leh chemical hlauhawm paih chhuak thei industrial units leh bawlhhlawh tichhuak thei thil tawh phawt chu lui kuang aṭanga metre 500 chhungah khap a ni bawk.

Court sang ber hian Suo motu hmangin Rajasthan-a Jojari lui tibawlhhlawh theih a nih avangin hemi chungchang thu hi a ngaihtuah a ni. Lui chim chin leh ecosystem thil vawnhimna tur ruahmanna hi Rajasthan sorkarin High-Level Ecosystem Oversight Committee leh River Rejuvenation Authority-te nen ṭangkawpin zir chianna a neih zel beisei a ni.

Tualchhung mi vbc 2 bakah sa leh thil nung chi hrang hrangte chenna hmun tichhe thei leh thil dang chhe mekte court-in a hmuh avangin, interim measure atan nimin khan khapna hi tihchhuah a ni. Case hi September 22, 2026-ah ngaihtuah zui leh a ni ang.