NSS Conference Vawi 9-na ṭan a ni; Home Minister Amit Shah-a'n a hawng

Ram chhung venhimna tihchangtlun dan tur leh ramin venhimna kawnga harsatna hrang hrang a tawh mekte sawi hona, ni hnih awh tur National Security Strategy (NSS) Conference vawi 9-na chu nimin Thawhṭanni khan New Delhi ah ṭan a ni. Conference hi union home minister Amit Shah chuan a hawng a ni.

NSS Conference-ah hian India ram hmun hrang hrang aṭangin police leh venhimna lam hna thawktu mi 850 chuang an tel. A hmun ngeia telte leh online-a chhimte chuan ram vehimna huanga harsatna awm hrang hrangte ngunthluk takin an sawi ho.

Ṭhutkhawm ni hnih awh turah hian venhimna fel fai tawk lohna te, ramchhunga harsatna lo thleng thar te leh hmelmate beih dan tur ruahmanna hrang hrangte ngun takin sawi ho a ni ang. Tun hnaia ram chhung tichhe theitu ruihhlo 'drugs and narcotics' hluar chho zel leh sumdawnna atana hmangtu hrang hrangte dap chhuah dan turte chu an thupui pawimawh a ni bawk.

Kumin NSS Conference hi Intelligence Bureau (IB) buatsaih a ni a, a hmaa ṭhutkhawm neih vawi 8-naah pawh kha Amit Shah hoin New Delhi-ah hian hlawhtling taka neih a lo ni tawh bawk. He hun hi state hrang hrang aṭanga security hotu lian kalkhawmten ram venhimna leh chak tak a thawhhona tihhmasawn leh zual nan inrawn khawmna pawimawh tak a ni.