UP, Punjab leh Gujarat election atan BJP-in poll in-charge thar ruat

Bharatiya Janata Party (BJP) chuan kum 2027-a Uttar Pradesh, Punjab leh Gujarat-a Assembly Election awm tur atana poll in-charge leh co-incharge ruat tharte a puang. Heng in-charge te hi BJP national president Nitin Nabin-a kaihhruaina hnuaiah ruat an ni a,an hna hi an zawm nghal tura beisei an ni.

BJP MP leh national general secretary ni bawk Vinod Tawde chu Uttar Pradesh election in-charge atan ruat a ni a, MP leh national secretary Satish chu co-incharge atan ruat a ni bawk. Punjab assembly inthlan neih turah MP Satish Poonia chu mawhphurhna pek a ni a, Gujarat tan MP Tarun Chug chu in-charge atan ruat a ni bawk.

BJP hotute chuan state dang tana in-charge ruat tharte pawh puan chhunzawm a nih tur thu an sawi. Tun hnaiah BJP hian organizational team siamṭhain ruahmanna thar hrang hrang an nei mek a ni. Kum 2027-a state assembly inthlan neih chhoh turah BJP chuan hnehna chang turin hma a la ṭan tawh a ni.