AP-ah RSS-in All-India Coordination Meeting hmang dawn

Rashtriya Swayamsevak Sangh (RSS) chuan an kum tin meeting pawimawh neih ṭhin 'Akhil Bharatiya Samanvay Baithak' All India Coordination Meeting chu kar tharah hian Andhra Pradesh-ah an nei dawn. Meeting hi August 19 aṭanga 21 chhung hian Visakhapatnam district-a Gudilova-ah buatsaih a ni ang.

Ni thum awh tur meeting-ah hian RSS chief Mohan Bhagwat, General Secretary Dattatreya Hosabale leh senior leader dang te an tel dawn a ni. RSS in a thawhpui pawl 32 aṭangin toptier hruaitu - National President, General Secretary leh Organizing Secretary te hmun hrang hrang aṭangin an kalkhawm dawn bawk.

RSS All-India Publicity In-charge Sunil Ambekar chuan, tualchhung leh vantlang rawngbawlna hrang hranga inhmang pawl te hian an hmalakna hrang hrang leh ram tana rawtna pawimawh te an sawi ho ang. Pawl hrang hrang te inremna leh thawhho dan tur te, sorkar policy leh mipui aiawha hmalakna tur te ngaihtuah a ni dawn tih a sawi.