India leh US Navy-te'n Kochi-ah bilateral exercise nei

India leh United States Navy -te chuan Kochi-a Southern Naval Command-ah explosive ordnance disposal exercise an nei dawn. He navy pahnih te bilateral exercise hi August 10 atanga 14, ni nga chhung awh turin neih a ni ang. He specialized bilateral training exercise 8th edition-ah hian ram pahnihte Navy hian bomb tihchhiat leh sut lama an thiamna hrang hrang te leh specialist diving team-te thawhhona tihchak zual nan a pawimawh hle dawn a ni.

Indian Navy thuchhuah tarlan danin, ni 5 chhung he training neihnaah hian expert exchanges, cross-training, hmanraw thar entirna, leh a tak ang thei ber tura hmachhawn tur lem scenario-based practical exercises te neih a ni dawn a ni. Ram pahnihte inkarah hian bomb sut leh tuihnuaia hman chi hmanrua thar te leh operational best practices te inthleng tawn a ni ang a, hei hian maritime domain-a harsatna thleng thei hrang hrangte chinfel leh hmachhawn an thiamna tichak zual tura rin a ni.

India leh US Navy-te hian kum 2005 aṭang khan joint salvage leh explosive ordnance disposal exercise hi an lo nei ṭan tawh a, tun ṭuma Kochi-a neih tur hi maritime operations-a an thawhhona nghet tak tilangtu a ni dawn bawk.