PM Modi hnenah Mark Zucherberg ngaihdam dil turin phut

Prime minister Narendra Modi-a'n zirlai leh ṭhalaite hnena exam paper tihchingpen chungchanga sorkar hmalakna a sawina video, Facebook aṭanga darkar 5-6 chhung remove a nih chungchangah Meta chief executive officer Mark Zuckerberg chu ni thum chhungin ngaihdam dil tura phut a ni.

Parliamentary Standing Committee on Communications and Information Technology, BJP MP Nishikant Dubey chuan Electronics and Information Technology (MeitY) Secretary S Krishnan hnenah lehkha thawnin, Meta CEO Mark Zuckerberg-a'n ni thum chhungin ngaihdam a dil lo a nih chuan Information Technology (IT) Act Section 79(3) hnuaia Meta/Facebook-in dan hnuaia humhimna a hmuh chu hlihsak tum a nih thu a tarlang.

PM Modi-a video 'selfie format'-a siam, Instagram leh Facebook-a tihchhuah chu Facebook aṭangin remove a ni a, Meta hotute chuan 'technical glitch' vanga thleng niin ngaihdam an lo dil tawh a ni. Mahse, Parliamentary Panel chuan hei hi thil pawi tak leh 'democracy beihna' tlukah ngaiin an lungawi lo a, Zuckerberg ngeiin ngaihdam a dil a, company hotute chunga hremna lek a nih an phut a ni.