Parliament kawtah eptu MP-te lungawi lohna lantir

Eptu pawl intelkhawm, INDIA bloc MP-te chu tun hnaia lungawi lohna lantira zirlai pungkhawmte laka police-ten tharum an hmang leh Ayodhya-a Ram Temple tana thawhhlawm, sum ruk bo chungchang duh lohna an lantir.

Lungawi lohna lantirnaah hian Congress hruaitu Priyanka Gandhi Vadra, Samajwadi Party MP Dharmendra Yadav, TMC MP Sagarika Ghose leh JMM MP Mahua Maji te pawh an tel. 'Who gave the order' tih inziahna banner lian tak keng langin, NEET paper leak chungchanga zirlai lungawi lohna lantirtute chunga police-te hnena tharum hman theihna thu petu hriat chhuah an phut a ni.

Eptu MP-te hian Ayodhya Ram Temple-a thawh lawm rukbona thleng duh lohna lantirin 'donation box' an chhawp a, chumi chhungah chuan sum an thlak bawk. Member-te hian union home minister Amit Shah chu Parliament-ah he thil thleng chungchanga ngaihdam dil turin an phut bawk.

INDIA bloc MP-te hian Ram Temple-a thawhlawm ruk bo leh zirlai pawl chunga police-te chet dan nunrawng tak chungchangah sorkar nawr zui zel an tum thu an sawi lang nghal bawk a ni.