PM video post paihsak vangin MeitY-in Meta head ko

Ministry of Electronic and Information Technology(MeitY) chuan tun hnaia prime minister Narendra Modi-a'n Facebook-a paper leak chungchanga khauh zawka hma lak a nih tur thu a post, remove sak a nih avangin Meta global of public policy hotu chu thu zawhfiah turin a ko.

Prime Minister hian July 23 khan video hi a post a ni. Meta thupuangtu chuan he video hi tihsual palh vanga paih a nih thu sawiin, tunah chuan video-te hi platform-ah a awm leh tawh thu a tarlang a ni.

PM post siam hi Cockroach Janta Party (CJP) bultuma ram chhung hmun hrang hranga paper leak vanga nawrh huaihawt lai kha niin, PM hian ṭhalaite thlavang hauhin paper leak kaihhnawih khauh taka chhui a nih tur thu a sawina video a ni. Sorkarin zirlai nuai 22 chuang academic year kal mek chu tihbuaisak a tum loh thu sawiin, "thil dang zawng aiin ṭhalaite hmalam hun leh an himna chu thil pawimawh ber a ni" a ti. Modi chuan department-te pawh harsatna awm chhui chhuah a nih vat theihna turin Fast-Track Court din tura a tih thu a tarlang tel bawk.