Education Minister Prahlad Joshi-a'n charge a la fel

Ram chhunga NEET-UG paper leak avanga Coakraoch Janta Party (CJP) bultuma nawrh huaihawt a, New Delhi-a Jantar Mantar-ah ni eng emaw zat an punkhawm hnuah, nawrh huaihawtten an nawr angin Dharmendra Pradhan chu Inrinni khan Educatioin Minister a nihna aṭangin a bang. Sorkar laipui chuan Pradhan banna a pawmsak hnuah amah thlak turin union minister ni lai, Prahlad Joshi chu a ruat nghal a, nimin khan a hna thara mawhphurhna a la ṭan nghal.

Joshi hian Consumer Affairs, Food and Public Distribution, and New and Renewable Energy ministry a enkawl bawk. Education Minister charge a lak hnuah, nimin khan review meeting neiin, minsitry hnuaiah scheme leh hmalakna hrang hrangte thlirletna an nei. Meeting-ah hian union minister of state for education, Jayant Chaudhary pawh a tel.

Educatioin Minister thar, Joshi chuan a tana pawimawh hmasa ber chu Education Ministry kalphung hriat chian hmasak chu a ni tiin, a ministry chan chu atan kawng thar a ni a, hriatna zau zawk neih tumin hotu hrang hrangte pawh a berawn tih a sawi. Department a len tham avangin, hriat chian hmasak phawt hi a ngai pawimawh a, chumi hnuah hna chu ṭha takin ka la thawk chhunzawm dawn tih a sawi.