Iran-a zin tumte tan thurawn tichhuak thar leh

Sorkar laipui chuan Pathianni khan tun hnaia Iran ram buai zui zel avangin India khua leh tui, Iran-a zin tumte chu zin rih lo turin a hriattir a, hei bakah Iran-a awm mekte pawh commercial flight emaw kawng remchang awm emaw hmangin Iran chhuahsan turin a hriattir nawn leh.

Iran leh US inkar buaina chinfel a la nih loh avangin Iran tualchhung buaina pawh a zual chho hle a, hei vang hian Indian embassy chuan buaina awm chung pawha Iran-a awm la tumte chu fimkhur theihtawpa fimkhur turin a chah. Chanchinthar leh thuthar awm angte ngaihtuah zui reng tura tiin, buaina thlen nasatna hmun te tlawhpawh lo tur leh thil thlengte thlithlai reng turin hriattir.

Embassy chuan India khua leh tuite chu tualchhung thuneitute aṭanga kaihhruaina hrang hrang tihchhuah chu zawm hram hram turin a ngen. Hei bakah hian India mi, embassy-a la inziaklut lote chu India mission website leh a social media -te thlithlai a, chanchin ngaihven reng turin a ti bawk a ni.