India leh Canada-in CEPA nei tura inbiak vawi thumna zo fel

India leh Canada chuan ram pahnih insumdawn tawnna tura inremna pawimawh, Comprehensive Economic Partnership Agreement(CEPA) nei tura inbiak vawi thumna chu Zirtawpni liam ta khan Ottawa-ah an zo fel. Thawh dunna tura inbiakna kalpui mek hi kumin chhung ngeia zawhfel an tum thu an tarlang.

Ninga chhung inbiakna an neihah hian goods and services-a insumdawn tawnna turte, intellectual property, rules of origin, sanitary and phytosanitary measures, leh technical barriers to trade chungchangte chu sawi ho pawimawh zingah an tel a ni. India leh Canada hian kum 2030 hma ngeiin insumdawn tawnna hlut zawng hi USD tld 50-ah kaitir hman an tum a ni.

Inbiaknaah hian Department of Commerce-a joint secretary Brij Mohan Mishra chu India aiawha chief negotiator niin, Bruce Christie chu Canada lam aiawh hian chief negotiator a ni ve bawk. India hian Canada-ah damdawi, thir lam chi, seafood, cotton garment, electronic bungrau leh chemical-te thawn lutin, Canada aṭang hian be lam chi, lunghlu chi hrang hrang, lungalhthei, leiṭha, lehkhapuan, leh tuialhthei kaihhnawihte a chaw lut ve bawk.