CJP X hawng leh turin Delhi HC-in thupek chhuah

Delhi High Court chuan nimin khan 'Cockroach Janta Party' (CJP) social media X account handle block chu hlip turin thupek a chhuah. Sorkar laipuiin hemi chungchanga sawiselna an neih tawh loh thu court a hriattir hnuah justice Swarana Kanta Sharma chuan he thu tlukna hi a siam a ni.

CJP dintu Abhijeet Dipke chuan sorkarin an account a block sak vanga lungawi lo hian a khing a ni . Sorkar aiawh, Solicitor General Tushar Mehta chuan June 21-a NEET re-test neih a nih dawn khan zirlai leh nu leh pate inkara rinhlelhna leh buaina lian zawk a chhuah loh nan he account hi block a lo ni tawh a, mahse, tunah chuan exam a zawh tawh avangin hnawk tihna an neih tawh loh thu a tarlang.

He internet-based movement 'Cockroach Janta Party' hi kumin May thlaa Supreme Court Judge pakhat thutlukna siam duh lohna leh tih elna, fiamthu hmanga sorkar khin letna aṭanga lo piang a ni. NEET-UG 2026 exam paper leak hnuah zirlai thlavang hauhin union education minister Dharmendra Pradhan-a ban phûtin Jantar Mantar-ah te nasa takin nawrh an lo huaihawt tawh bawk a ni.