Intelligence Bureau hotu thar atan Mahest Dixit ruat

Intelligence Bureau (ID) Director thar atan Mahesh Dixit, 1993 batch Indian Police Service (IPS) officer, Andhra Pradesh cadre chu ruat a ni. June 30-a term tawp tur, Tapan Kumar Deka a thlak ang.

Dixit hi medical doctor a ni a, kum 2009-12 khan Jammu and Kashmir-ah IB Deputy Director niin, kum 2012-15 chhung khan Nagaland-ah post a ni bawk. 2020-ah J&K ah Subsidiary Intelligence Bureau (SIB) charge lain 2024 thleng a awm a, Article 370 ṭhiah a nih hnuah J&K a venhimna lam leh intelligence lama hmalaknate a vil a ni. Ladakh-a civil society hruaitute nena inbiakna neih mekah Home Ministry official zingah a tel bawk.

Appointments Committee of the Cabinet (ACC) chuan Ningani khan IB Director thar atana Dixit ruatna hi a pawm a ni. He hna hi charge a lak aṭangin thupek dang a chhuak a nih loh chuan kum hnih a chelh ang. August 2027-a pension tawh tur ni mah se, All India Services (Death cum Retirement Benefits) Rules, 1958 hnuaiah a serivce hi pawhsei phalsak a ni.